Vo Harvey Bay us simer uf Fraser Island gange. Ntürli hets zum erscht emal den wider genau bim i packe afa regne... Mir sind mitme Jeep uf die Insle (natürli mitere Färe...) ja es wer natürli viiil lässiger gsi hets nid gschiffet wie blöd (Das isch die nacht gsi wo so Sturm gsi isch in Airlie Beach, wos d'Schiff zerschmetteret het) natürli simer den go Zelte...und natürli gad den womer Zelt hend welle uf stelle hets abegleert wie in Chüble...haha...Sand überall...und wener nass isch bringsch de nüme weg. Mir sind den am Abig alli in JEep und hend eus d'Birre voll gsoffe... Schlafe hesch leider nid schöne bi dem Wetter. Es het is Zelt inne gregnet, und de Schlafsack isch demensprechend au nass worde. Anderi hend aber no me Pech gha und 10cm wasser im Zelt gha.

Am 2. Tag hani mi entschide mitere andere Gruppe mit zga wo eigentli het welle wider ufs Feschtland. Mir hend den aber es Dörfli gfunde wos Unterkünft gha het. Und mir sind alli so froh gsi hemer chöne dusche und am Abig esse ohni Sand im Muul, und schlafe ohni Wasser ;-)

Ja es isch es erlebnis gsi...;-)

Also die "Stadt" isch au nid würkli gross gsi. Det hani mi glaubs so zimli am längschte uf ghalte...
Es isch 1tag schö gsi und den het sich s'Wetter wider am Rege gwidmet. Ha na 2 Kollegine vo de CH (mit dene hani in Bondi gwohnt) troffe, die Reised in Süde abe.
ICh ha leider mini Reis ab dem Ort müene canclle :-(. Ich ha welle mit eim woni kenne gelrnt ha mitm Auto nach Airlie Beach ufe, wo ich eigentli ha welle go segle. Leider sind alli Strasse überschwemmt gsi. Also kein durchkommen. mir hend den denkt mir chönd s'Segle uf de Di verschiebe, aber es isch ja au nid sicher gsi ob den chasch ufe, und mich hets eifach a gschisse no 4 wiiteri Täg i dem Kaff zverbringe. Und da d'Wettervorhersage mega schlimm gsi sind, und scho Lüüt hend müene Rette und s'Schiff a de Stei zerschmetteret het, hani entschide in nögschte Flüüger zhocke und zrug nach Sydney z'flüüge...

Also wüki Regebogemässig isch de Sand a de Beach nid gsi. Ich bi nur froh gsi dasi det ha möne usstige für de Lunch, isch ja abartig nüt los gsi det. I 2min. hesch scho di ganz "Ichaufsmeile" abgloffe. haha eifach voool verlasse is det gsi.

Das isch glaub so zimli s'schönschte Stedtli. Det gönd schinz alli Pensionierte Lüüt ane. Musch schinz Jaaahre warte bis det chasch es Huus chaufe. Und es isch au de einzig Ort gsi wo ich immer Sunne gha ha hehe.

Ja natürli isch de erscht Tag in Surfers immer na grusig gsi, defür het het mer det chöne shoppe, und das no ime Ichaufszentrum :-). Ich ha au e meeega geili Unterkunft gha. En TV im Zimmer und s'Bad au no! Hammer gsi. Am Tag der Abreise isch den natürli schö gsi endli, aber da de Bus erscht am 4i gange isch (nid we bi mir ufm Plan halbi 4i) bini na an Strand und ha chli d'Sunne zur abwechslig gnosse ;-)

I dem rise Regewetter hani den mal no es Uusflügli uf Nimbin gmacht, em Hippi-Stedtli. Leck isch da herzig gsi. Alli hend kifft und Spacecookies gesse, inkl. mir. I ha au mal no es halbs probiert ;-)

Wiener gsehnd hets di ganz Ziit geregnet. Und leider isch Byron Bay nid wüki gross gsi, und ich bi no so lang dete blibe. Also es isch recht deprimierend gsi. I bi den mal no uf de Lüüchtturm ufe gloffe, das isch ja vilicht e hammer Ussicht gsi.

Läääck isch das fein gsi, ha Spätzli nach Bayrischer art gha. Haha und den hets no so Globis gha (Australier) wo Dütschi Music gmacht hend. Aber die hend alles chöne, mit de Chueglocke music mache, mit em Schwiizer Alphorn etc... sogar no so en luschtige Tanz hends gmacht haha. Ich ha au no chli chöne go d'Glocke schwinge hihi.

Schön Buchweh hani mal wider gha de ganz Tag...:-( und das a mim letschte Schueltag... Aber isch cuuul gsi ;-)
92% bini id Schuel, ich bi also stolz uf mich haha ;-)
d'Föteli sind nid so de hammer...aber glich es Aadenke...

Er het gseit er mach sich es Schwiizerchrüz ufd Haar wen de Federer günnt, und do het er gunne. Und ich ha das natürli Wort-wörtlich gno ;-)
Falls er jetzt denket was au ich für en Ranze han, ich ha mega Buchweh gha, darum streck en so use uf de Pics ;-)

Es isch eifach e hammer Ussicht gsi!

Es isch nüt speziells gsi, mir hend ja Prüefig gha am nöchschte Tag ;-) also hemer früe wider möne hei... Aber eis weiss ich sicher, am Abig gani nie me ohni Manne in Hyde-Park, het gaaanz spezielli Lüüt det...

"Icebar zmitzt im Summer das isch doch öppis", hämmer denkt. Schlussendli is nid so spektakulär gsi. Vorallem hets eus dra erinneret wie chalt dases i de Schwiiz isch ;-) Es het sölle Minus 5grad si det inne, isch aber "nur" minus 3 gsi ;-) Gfrore hämer ämel ;-)

Ja es isch en meeega lässige Abig gsi

mmh...mal widre go esse...aber für mi hets nur en Salat ge ;-)

Ja ich no glatt gsi...segi nur ;-)

Es isch hammer gsi die Ussicht! Aber ich werd das glaubs nüme mache, ca. vom 3 am Namittag simer i dem Botanische Garte ghocket und hend uf de abig gwartet. Und bevor mer überhaupt innecho sind hets e riiiiise Schlage gha zum a stah, so e langi hani no nie i mim Läbe gseh! ;-) aber si isch zum Glück mega schnell vorwärts gange. Mir hend au no recht möse nacheme plätzli sueche zum anehöckle, es het wüki abartig vil lüüt gha...;-) Aber glohnt hets sich natürli zum das eimal chöne erläbe!